0
1 Мая работнікі Цэнтра прынялі ўдзел у святочных мерапрыемствах.
Сёлета Свята працы аб'яднала працоўных розных сфер дзейнасці пад лозунгам «Мы – разам!».
Як адзначыла старшыня прафсаюзнай арганізацыі НЦПІ Таццяна Рэуцкая, гэта свята ўсіх жыхароў нашай краіны: «Кожны з нас, працуючы на працоўным месцы, якасна выконваючы свае абавязкі, уносіць пасільны ўклад у росквіт нашай роднай Беларусі».
Работнікі НЦПІ прынялі ўдзел ва ўрачыстых мерапрыемствах, арганізаваных Федэрацыяй прафсаюзаў у сталічным парку Перамогі. Месца іх правядзення сімвалічнае. У год 80-гадовага юбілею вызвалення Беларусі ад нямецка-фашысцкіх захопнікаў кожны беларус захоўвае ў сэрцы памяць не толькі пра воінаў, але і пра працаўнікоў тылу, якія ўнеслі вялікі ўклад у Перамогу.
Захоўваючы традыцыі, работнікі НЦПІ прыйшлі на свята цэлымі сем'ямі.
«Такія святы, як 1 Мая, Дзень Перамогі, Дзень Канстытуцыі, Дзень народнай еднасці нараўне з рэлігійнымі канфесійнымі святамі з'яўляюцца складнікамі генетычнага кода нашай нацыі. Я рада, што Першамай мы святкуем разам і перадаем гэтую традыцыю нашым дзецям», – сказала намеснік дырэктара НЦПІ Ірына Чупракова.
Работнікі Цэнтра паглядзелі канцэрт з удзелам зорак эстрады і творчых калектываў, паразмаўлялі з калегамі, наведалі інтэрактыўныя пляцоўкі прамысловых прадпрыемстваў.
